Сыбайлас жемқорлыққа қарсы мәдениетті қалыптастыру

Шымкент қаласы білім басқармасына қарасты Ө.А.Жолдасбеков атындағы N 9 IT лицейінде 29.03.2022 жылы  сыбайлас жемқорлыққа қарсы мәдениетті қалыптастыру мақсатында педагогикалық ұжым арасында жиналыс өтті.

Іс-шараға Сыбайлас жемқорлыққа қарсы іс-қимыл Агенттігінің Шымкент  қаласы бойынша департаментінің бас маманы Ж.Әлжанова қатысып, кездесу барысында 2022-2026 жылдарға арналған сыбайлас жемқорлыққа қарсы саясат тұжырымдамасымен таныстырып, стратегиялық құжаттың маңызды аспектілерін түсіндірді.

Сонымен қатар, жемқорлыққа қарсы іс-қимылды күшейту жөнінде кезең-кезеңмен қабылданған заңнамалық шаралардан хабардар етіп, қатысушылардың сауалдарына жауап берді.

Сондай-ақ, сыбайлас жемқорлыққа қарсы іс-қимыл мәселелері бойынша ақпаратты сеніп қалдыруға немесе кеңес алуға болатын Агенттіктің 1424 Call-орталығы мен азаматтарды жемқорлық туралы хабарлағаны үшін көтермелеу институты жайында ақпарат берді.