ҚҰҚЫҚБҰЗУШЫЛЫҚТЫҢ АЛДЫН АЛУ – ОРТАҚ МІНДЕТ

Шымкент  қаласы  білім  басқармасына  қарасты Ө.Жолдасбеков атындағы №9  ІТ лицейінде  2026 жылғы 21 қаңтар күні жасөспірімдер арасындағы құқықбұзушылықтың алдын алу, олардың қауіпсіздігін қамтамасыз ету мақсатында  рейдтік іс-шара өткізілді.

Рейд лицей жанындағы ойын-сауық орталықтары мен сауда дүкендерінде ұйымдастырылды. Іс-шараның негізгі мақсаты –

 түнгі мезгілде кәмелетке толмаған жасөспірімдердің заңды өкілінсіз көшеде жүру деректерін анықтау және жол бермеу;

 ойын-сауық орындарында кәмелетке толмағандардың болуын бақылау;

 жасөспірімдерге спирттік ішімдіктер мен темекі өнімдерін заңсыз сату фактілерінің алдын алу;

 құқықтық тәртіп пен жауапкершілік мәдениетін қалыптастыру.

Аталған рейдке лицей инспекторы Ж.Қ.Шахалақ,

лицейдің  тәрбие ісі жөніндегі директордың орынбасарлары Н.Р. Дусметова,А.Т. Асилова,

аға тәлімгер Э.Ж.Султанбаева, педагог-ұйымдастырушы М.Б.Үсен  келісім бойынша қатысты.

   Рейд барысында жасөспірімдермен, сауда нысандарының иелерімен және тұрғындармен түсіндіру-профилактикалық жұмыстар жүргізіліп, заң талаптары, балалардың қауіпсіздігі мен түнгі уақытта жүрудің салдары кеңінен түсіндірілді.

 Мұндай рейдтік іс-шаралар балалардың өмірі мен денсаулығын қорғауға, құқықбұзушылықтың алдын алуға және жас ұрпақтың заңға құрметпен қарауын қалыптастыруға бағытталған маңызды профилактикалық жұмыс болып табылады.

 Қоғамдық тәртіпті сақтау – мектеп, ата-ана және құқық қорғау органдарының ортақ жауапкершілігі.