АШЫҚ САБАҚ – ТӘЖІРИБЕ МЕН ЖАҢАШЫЛДЫҚ АЛАҢЫ !

Бүгін Ө.Жолдасбеков атындағы №9 ІТ лицейінде информатика пәнінің мұғалімі Үсен Айғаным Бауыржанқызы 10 А - сынып оқушыларымен «Веб–жобалау» бөлімі бойынша

«CSS-те селекторлар. Идентификатор және контекстік селекторлар» тақырыбында ашық сабақ өткізді.

Сабақ барысында оқушылар:

 CSS селекторларының түрлерін ажыратып,

 ID және контекстік селекторлардың айырмашылығын тәжірибе жүзінде меңгерді,

 Веб-беттерге стиль беріп, өздерінің креативті жобаларын жасап шықты.

 «ID шеберлері» мен «Контекст дизайнерлері» топтары белсенді жұмыс жасап, өз жобаларын қорғады.

 «CSS Tapqyr» викторинасы арқылы білімдерін бекітіп, тапқырлықтарын көрсетті.

 Жеке жұмыста әр оқушы «Менің жеке веб-парақшам» тақырыбында веб-бет құрастырып, селекторларды тиімді қолданды.

Сабақта «Жасампаздық пен жаңашылдық» құндылығы негізге алынып, оқушылардың цифрлық сауаттылығы мен шығармашылық қабілеті дамытылды.

Бұл ашық сабақ – теория мен практиканы ұштастырған, оқушы белсенділігі жоғары, нәтижеге бағытталған мазмұнды жұмыс болды.

Оқушылардың қызығушылығы мен талпынысы – ұстаз еңбегінің басты жетістігі!