12
қаңтар
2026
ТӘРБИЕ САҒАТЫ
Шымкент қаласы білім басқармасына қарасты Ө. Жолдасбеков атындағы №9 ІТ лицейінде 12–16 қаңтар 2026 жыл аралығында
«Талап бар жерде, тәртіп бар» атты апта дәйек сөзі аясында барлық сыныптарда мазмұнды әрі тәрбиелік маңызы зор сынып сағаттары мен қауіпсіздік сабақтары өткізілді.
1–4 сыныптарда«Әдептілік — тәртіптінің белгісі» тақырыбында сынып сағаты (адалдық сағаты) ұйымдастырылып,
10 минуттық қауіпсіздік сабағында «Дүкендегі, супермаркеттегі мінез-құлық қағидалары» түсіндірілді.Оқушылар қоғамдық орындарда өзін дұрыс ұстау, үлкенге құрмет, кішіге ізет көрсету, адалдық пен тәртіптің адам өміріндегі маңызы туралы түсінік алды.
5–8 сыныптарда«Біз – сыбайлас жемқорлыққа қарсымыз!» тақырыбында тәрбие сағаты өтіп, адалдық, әділдік, заңға бағыну құндылықтары кеңінен талқыланды.
Қауіпсіздік сабағында «Қауіпті челленждер» тақырыбы қозғалып, әлеуметтік желілердегі қауіпті әрекеттерден сақтану, жеке қауіпсіздік пен жауапкершілік туралы маңызды ақпарат берілді.
9–11 сыныптарда«Адал азамат – Адал еңбек – Адал табыс» тақырыбында (сыбайлас жемқорлықтың алдын алу бағытында) сынып тәрбие сағаты өткізілді.
Оқушылар адал еңбектің, таза табыстың және азаматтық жауапкершіліктің қоғам дамуына қосатын үлесін түсінді.
10 минуттық қауіпсіздік сабағында «Төтенше жағдайларда дұрыс әрекет ете білу» тақырыбы қарастырылып, өмірлік маңызды дағдылар қалыптастыруға басымдық берілді.
Аталған іс-шаралар оқушылардың құқықтық сауаттылығын арттырып, адалдық, тәртіп, қауіпсіздік мәдениетін қалыптастыруға, саналы әрі жауапты ұрпақ тәрбиелеуге бағытталды.Тәртіп пен талап – табысты білім мен тәрбиенің негізі!