ДУБЛЕР КҮНІ – ЖАС КӨШБАСШЫЛАР МЕРЕКЕСІ !

       

       Шымкент  қаласы  білім  басқармасына  қарасты  Ө.Жолдасбеков атындағы №9 ІТ лицейінде өткен Дублер күні ерекше серпін мен шабыт сыйлады. Бұл күні тек Парламент мүшелері ғана емес, әр сыныптың үздік белсенді оқушылары да өз мүмкіндіктерін сынап, мектеп өміріне жаңаша тыныс әкелді.

 Оқушылар ұстаздар орнын басып, сабақ жүргізді, түрлі ұйымдастырушылық жұмыстарға араласты.

 Әр сыныптың озат, жауапты жастары өзін-өзі басқарудың маңызын іс жүзінде сезінді.

 Бұл күн балалардың көшбасшылық қабілеттерін шыңдап қана қоймай, жауапкершілік, бірлік пен сенім құндылықтарының мәнін терең ұғындырды.

 Дублер күні – оқушылардың бойындағы жасампаздықты, шығармашылықты, ұжымдық рухты танытқан маңызды шара.

Олар тек сабақ жүргізіп қана қойған жоқ, сонымен қатар мектеп өміріне тың идеялар, жаңа көзқарастар енгізуге үлес қосты.

 Осындай тәжірибе оқушыларға болашақтағы өмірлік жолында сенімділік сыйлап, "менің де қолымнан келеді" деген сенім ұялатты.