04
қазан
2025
АРДАГЕР ҰСТАЗБЕН ТАҒЫЛЫМДЫ КЕЗДЕСУ
Шымкент қаласы білім басқармасына қарасты Ө.Жолдасбеков атындағы №9 ІТ лицейінде өмірін ұрпақ тәрбиесіне арнаған ардагер ұстаз – Шукурова Динара Рахимжановнамен әсерлі кездесу өтті.
Бұл кездесуде оқушыларымыз білім мен тәрбие жолындағы ұстаздық еңбектің маңызын, шынайы ұстаздың шәкірт жүрегіне қалдырар ізі мен өнегесін сезінді. Ардагер ұстаз өз тәжірибесімен бөлісіп, жас ұрпаққа елжандылық, адамгершілік пен еңбексүйгіштік қасиеттердің құндылығын насихаттады.
Осындай кездесулер оқушыларымыздың жүрегіне мейірім ұялатып, «Ұстазға құрмет – үлкенге ізет» деген халық даналығының мәнін терең түсінуге жол ашады.
Кездесуден кейін лицей оқушылары ұстаз еңбегіне алғыстарын білдіріп, рухани қуат алды.