“БІЛІМ АЛУШЫЛАРДЫҢ МІНЕЗ-ҚҰЛҚЫНДАҒЫ ТӘУЕКЕЛДЕРДІҢ АЛДЫН-АЛУ” ТАҚЫРЫБЫНДА СЕМИНАР-ПРАКТИКУМ

Ө.Жолдасбеков атындағы №9 IT лицейі базасында "Психологиялық қолдау орталығының" ұйымдастыруымен білім алушылар арасында кездесетін тәуекелді мінез-құлық түрлерінің алдын алу, олардың психологиялық саулығын нығайту және қауіпсіз білім беру ортасын қалыптастыру мақсатында жас педагог-психолог мамандарымен «Білім алушылардың мінез-құлқындағы тәуекелдердің алдын алу» тақырыбында семинар-практикум өткізілді.

 Семинардың мақсаты:

Білім алушылар арасындағы тәуекелді мінез-құлықтың алдын алу жолдарын түсіндіру және жас мамандардың кәсіби құзыреттілігін арттыру.

 Семинар барысында:

 Жасөспірімдер арасындағы тәуекелді мінез-құлық түрлері (агрессия, буллинг, аутодеструктивті әрекеттер, тәуелділікке бейімділік) талданды;

 Ерте диагностикалау және алдын алу жұмыстарының тиімді әдіс-тәсілдері қарастырылды;

 Нақты жағдаяттар негізінде практикалық кейстермен жұмыс жүргізілді;

 Мектеп психологының кәсіби әрекет алгоритмі ұсынылды.

 Сонымен қатар семинар аясында «Мен ерекше адаммын» тақырыбында психологиялық арт-терапиялық жұмыс ұйымдастырылды.

Қатысушылар шығармашылық тапсырмалар арқылы:

 Өздерінің жеке құндылықтарын анықтады;

 Ішкі ресурстарын зерттеді;

 Өзін-өзі қабылдау мен позитивті «Мен» бейнесін қалыптастыру бағытында жұмыс жасады.

Арт-терапия әдісі арқылы мамандар эмоционалдық күйді реттеу, өзін-өзі тану және білім алушылармен сенімді қарым-қатынас орнатудың тиімді жолдарын тәжірибеде көрді.

 Семинар-практикум жас педагог-психологтардың кәсіби дамуына серпін беріп, білім беру ұйымдарында қауіпсіз әрі қолайлы психологиялық орта қалыптастыруға бағытталған маңызды тәжірибелік алаң болды.