БІРІНШІ СЫНЫПҚА ҚҰЖАТ ҚАБЫЛДАУ 

1 СӘУІРДЕН 31 ТАМЫЗҒА ДЕЙІН ЖҮРГІЗІЛЕДІ.

Шымкент Қаласының Білім Басқармасына қарасты Ө.Жолдасбеков атындағы №9 ІТ лицейінде  1 сәуірден бастап 1 сыныпқа құжат қабылдауын хабарлайды.

Қажетті құжаттар тізімі:

-Ата-ананың немесе заңды өкілінің өтініші; 

-№065-у нысанындағы денсаулық жағдайы туралы анықтама және №052-2/у нысанындағы баланың денсаулық паспорты; 

-3х4 см өлшеміндегі екі фотосурет. 

Құжаттарды тапсыру жолдары:

-“Электрондық үкімет” порталы (egov.kz) арқылы онлайн; 

-Жергілікті атқарушы органдардың ақпараттық жүйелері арқылы; 

-Тікелей мектепке барып, қағаз түрінде.

Өтініштер жұмыс күндері, дүйсенбіден жұмаға дейін қабылданады. Құжаттарды тапсыруды соңғы күндерге қалдырмай, алдын ала өткізген жөн. 

9 СЫНЫПТАРДЫҢ АТА-АНАЛАРЫНА ЖАЛПЫ ЖИНАЛЫС

Шымкент қаласы білім басқармасына қарасты Ө.А.Жолдасбеков атындағы N9 IT лицейінде 07.02.2025ж. "Кәсіби бағдар - болашаққа нық қадам" тақырыбында 9 сынып ата-аналарына жалпы жиналыс өтті.

Күн тәртібінде қаралды:

1.Мамандықты таңдау -болашақты таңдау (педагог-психолог Ә.Бектаева)

2. Жаңа мамандықтар атласы (педагог-психолог Ж.Жанасова)

3. Шымкент қаласының колледждері ( ДТІЖО Б.С.Донаева)

4. 10 сыныптарды қалыптастыру (ДОІЖО М.Т.Намазбаева)

5. Әр түрлі сұрақтар

"ЗАҢ және ТӘРТІП" айлығы

ДЕНСАУЛЫҚ САҒАТЫ

Шымкент қаласы білім басқармасына қарасты Ө.А. Жолдасбеков атындағы №9 IT лицейінде 12.02.2025жылы

«Заң және тәртіп»  аясында өткізілген айлық акция жоспары бойынша «Ақылды қыз білімге жүгінер,ақылсыз қыз сөзге ілінер» атты тақырыпта қыз балалармен кездесу өтті.  

Мақсаты: Қыз балаларға білімнің маңыздылығын түсіндіру, әдептілікке, ізеттілікке тәрбиелеу және олардың тұлғалық дамуына ықпал ету.

АТА -АНАЛАРДЫ ПЕДАГОГИКАЛЫҚ ҚОЛДАУ ОРТАЛЫҒЫНЫҢ жетекшілері : Мошкалова Л.Д  және Абенова Ж.А  ашып,  кездесудің    мақсаты мен  таныстырды. «Ақылды қыз – білімге жүгінер, ақылсыз қыз – сөз ілер» нақыл сөзіне түсінік берілді.  

Арнайы шақырылған қонақтарымыз: Ажибаева Алима Икрамқызы; Ильясова Перуза Орынбаевна; Мынбаева Зубайра  Адасовна;Алиханова Гуларна Темирхановна қыз баланың тәрбиесі, білімнің маңызы туралы айтып, талқылауға шақырды.

  Әңгімелесу және пікірталас:

 Кездесу барысында  оқушыларға төмендегідей сұрақтар қойылды:

 • Ақылды қыз дегеніміз кім?

 • Білімнің қыз бала өміріндегі рөлі қандай?

 • Әдептілік пен әдепсіздік туралы мысалдар келтірілді.

Оқушылар тақырып бойынша өз ойларын айтып, пікір алмасты.

   Қорытындылай келе кездесу барысында  қонақтарға , қатысушыларға алғысын білдіріп, білімнің маңыздылығын тағы бір рет атап өтті. Қыз балаларға өзін-өзі дамытуға, бос әңгімеден аулақ болуға кеңес берілді. Әдептілік пен білімге ұмтылудың өмірдегі басты құндылық екенін еске салды.

ЖАЛПЫ АТА-АНАЛАР ЖИНАЛЫСЫ

Шымкент қаласы білім басқармасына қарасты Ө.А.Жолдасбеков атындағы №9 ІТ лицейінде 15.01.2025ж жалпы ата-аналар жиналысы өткізілді.

Күн тәртібінде қаралды:

1. 2024-2025 оқу жылының І жартыжылдықтың оқу үлгерімі және білім сапасының есебі. (ДОІЖО К.М.Куспанова)

2. Олимпиада және ғылыми жобалардың қорытындысы.(ДБОЖО Ж.И.Сеитова)

3. «Біртұтас тәрбие» бағдарлама аясында тәрбие жұмысының есебі.(ДТІЖО Б.С.Донаева, Н.Р.Дусметова)

4. Қаражат есебі. (ДШЖЖО Ж.Е.Бигельдиева)

5. Ыстық тамақтандыруды ұйымдастыру. (ДОІЖО К.А.Уразбекова.

6. Ұрпақтар теориясы. (Педагог-психологтар Ә.Бектаева, Ж.Жанасова).

7. ҰБТ-ға дайындық жұмыстары (ДОІЖО М.Т Намазбаева)

8.Әр түрлі мәселелер.

АТА-АНАЛАРДЫ ПЕДАГОГИКАЛЫҚ ҚОЛДАУ ОРТАЛЫҒЫ

Шымкент қаласы білім басқармасына қарасты Ө.А.Жолдасбеков атындағы N9 IT лицейінде 03.12.2024 жылы ата- аналарды педагогикалық қолдау орталығымен ұйымдастырылған “Өмір бойы оқу: Не үшін? Қалай? “атты тақырыпта ата-аналармен пікір талас өткізілді.Мақсаты: -Ата-аналарға өмір бойы оқудың маңыздылығын түсіндіріп, өзін-өзі дамытуға деген қызығушылығын арттыру. Олардың балалардың білім алу процесіне үлгі болу мүмкіндіктерін көрсету.5-7 сынып аралығындағы оқушылармен “Менің арманым”және “Социометрия” әдісі бойынша жұмыстар жүргізілді , нәтижесі ата - аналармен талқыланды.  Ең бастысы  балаларға оқудың қажеттілігін жеткізу үшін ата - ананың дұрыс үлгі көрсетуін дамыту. Өмір бойы оқудың ата- ананың жеке өмірі мен кәсіби дамуына тигізетін пайдасы түсіндірілді, ата -аналар өз ойларымен бөлісті.Лицей директоры Г.С.Абилдаева барша ата -аталарға ең басты отбасындағы тәрбие және білімге деген құштарлықты  ояту, дамытуға шақырды және өзінің “Уақыт машинасы” әдісі бойынша болашақтағы жеткізетін армандарына шолу жасады. Осы әдіс арқылы ата -аналар өздеріне керемет мотивация алды.Дарынды оқушыларымыз ата -аналарға жақсы көңіл күй сыйлап күй шертті. Дарынды балаларды өнерге баулып жатқан жас маман Әбдіманап Байдыбек Бақтыбекұлы талантты балаларды өнерге тәрбиелеуде еңбегі зор. Орталықтың жетекшілері Л.Д . Мошкалова және Ж.А.Абенова ата - аналармен қызықты дамыту жаттығуы, сергіту ойындары мен бейне таспалар бойынша тапсырмалар қызықты ,әсерлі өтілді.Атқарылған іс- шараның нәтижесі: Ата-аналар арасында білімге деген оң көзқарас  қалыптастыру. Ата -аналарға өзін -өзі дамыту жолдары мен әдістері ұсынылды. Білім  мен ізденіс мұратқа жеткізеді дей отырып білім алуда ата - ананың балаға қосатын үлесі зор!

ЖАЛПЫ АТА-АНАЛАР ЖИНАЛЫСЫ

Шымкент қаласы білім басқармасына қарасты Ө А.Жолдасбеков атындағы N9 IT лицейінде 13.11.2024ж. жалпы ата-аналар жиналысы өткізілді. Күн тәртібінде қаралды:

1. «Ата – аналарды педагогикалық қолдау     орталығының» жұмысы. 

2. І тоқсанның қорытындысы. Білім сапасы мен үлгерімі.

3. ІІ тоқсандағы ТЖБ, БЖБ өткізілу кестесі.

Қысқы сессияның кестесі. Қосымша сабақтар кестесі. 

4. Эмоционалдық интеллектіні дамытудағы отбасы рөлі. 

5. Вирустық аурулардың  алдын алу.

6. Зорлық- зомбылықтың алдын алу (ақпараттық кеңес).

7. Әр түрлі мәселелер.

Ата - аналармен психологиялық тренингтер өткізілді және балалардың эмоционалдық интеллекті дамытуға кеңестер берілді.

АТА-АНАЛАРДЫ ПЕДАГОГИКАЛЫҚ ҚОЛДАУ ОРТАЛЫҒЫ

Шымкент қаласы Ө.А.Жолдасбеков атындағы N9 IT лицейде 21.10.2024 жылы ата - аналарды қолдау орталығының кезекті отырысы “Әкелік- бала бақытының қайнар көзі” атты тақырыпта әкелермен дөңгелек үстел өтілді. Мақсаты: Әкелердің бала тәрбиесіндегі рөлін артттыру, отбасы құндылықтарын нығайту, әкелерді тәрбиелік және психологиялық аспектілер бойынша ақпараттандыру. Алғашқы сөзді мектеп директоры Абилдаева  Гулназ Сайлауовна бала тәрбиесіндегі алғашқы ұстаз- ата-ана. Жанұяда жақсы қасиеттер балаға сөзбен, үлкендердің үлгісімен сіңеді , ата-анаға қарап бой түзейді дей отырып әкелерді тәрбие жолында бірлесіп жұмыс атқаруға шақырды. Ата -аналармен бірлесе жұмыс атқарып келе жатқан ,балаға сүйіспеншілікпен қарап, түсіністікпен махаббат танытқан 7 сынып жетекшілері: Байдулаева Гаухар, Халбаева Гулбану, Сарсенова    Гүлнар  ұстаздар тәрбие жолындағы еңбектерінің жемісін көрсетті. Жұмыс барысында, оқушылар ойларын ашық түрде жеткізе алады, сенімді, батыл, төзімді , армандары шексіз , жүректен шыққан үндерін естіп толғаныс үстінде болдық.Ата - аналарды қолдау орталығының жетекшілері Мошкалова Лаззат Демесбековна және Абенова Жазира Абдимомынқызы өз сөзінде бала тәрбиесінде әкенің рөлі ең маңызды екендігін айтып, баланы үнемі сынап отырса , оқуға құлқы болмайды. Баланы қолдап отырса , білімге деген ынтасы артады. Балаға сенім артса , ол батыл болады. Бала төзімділікте өссе , адал болып жетіледі, бала қауіпсіз жағдайда өссе , ол адамға сеніммен қарайтын болады. Ата - аналар өмірлік тәжірибелерімен ой бөлісіп  қорытындылай келе кездесудің нәтижесі:  Әкелер бала тәрбиесінде белсенді болудың маңыздылығын түсінді. Әкелер  бір - бірімен тәжірибе алмасып, жаңа білім мен кеңестер алынды. Әкелердің бала тәрбиесіне деген жауапкершілігі артып, отбасындағы рөлі нығаяды.